Āwhā

Ka puta te hau tukituki i ngā huripari me ngā wāhi o te pēhanga hau itiiti e huaina nei he pēhanga iti hōhonu. E tukua ana he whakatūpato hau pūkerikeri e te Ratonga Huarere ki te manakohia he hau neke atu i te 87 manomita ki te haora i runga i te whenua. Whāia ēnei tohutohu kia puta i ngā mōrea o te hau kaha:

I mua i te āwhā

Mā te takatū i mua i te pānga o te āwhā e āwhina kia iti ake te tukitukitanga i tō kāinga me tō pakihi, kia ora anō hoki koe.

• Whakatakotoria he Mahere Whawhati Tata mō te Whare, whakaritea hoki he Kete Whakaora Whawhati Tata, e ora ai koe ko tō kotahi mō ngā rā e toru neke atu
• Tirohia kei te kaha te mau o te tuanui o tō whare me ngā kōrerenga ua ia rua tau
• Waiho kia tata ana mai ngā taonga hei whakatikatika i te wini, pērā i te tāpōrena, papa me te tēpa kaha
• Mehemea kei te whakahou whare koe, kei te hanga rānei, me ū ō mahi ki te kaupapa hanga whare o Aotearoa, kei roto nei ngā paetae tauwhāiti hei whakaiti i te tukituki a te tūpuhi

Ki te pāpāhotia he whakatūpato

• Kohia ngā kongakonga huri noa i tō whare tērā kei āia ki runga
• Mauria ngā paepae para ki rō whare
• Mauria ngā mōkai kararehe ki rō whare
• Whakarongo ki tō reo irirangi mō ngā pārongo

I te wā o te āwhā

• Katia ngā ārai hei ārai karāhe me ngā taputapu e rere ana
• Ki tawhiti o ngā kuaha me ngā wini koe noho ai. Ki te kaha te tukitukitanga o te hau, whakamarumaru ki rō whare
• Kaua e haerēre haere i waho. Kaua e taraiwa, engari me tino whai hiahia rā anō

I muri i te āwhā

• Whakapā atu ki tō kaunihera ā-rohe me te kamupene rīanga mehemea i tukitukia rawatia tō whare
• Uia tō kaunihera mō ngā tohutohu mō te whakapai i ngā mea e takoto noa i muri o te āwhā