Waipuke
Pā tonu mai te pūmate waipuke ki Aotearoa. Ka tino kaha te mōrearea ki te pēnei te āhua:
- Ki te tere rawa te rere o te wai
- Ki te hōhonu rawa te wai
- Ki te hohoro rawa te piki o ngā wai
- Ki te kī te wai i ngā mea kahakina, pēnei i te rākau me te hīti rino
Mā te takatū i mua i te waipuke e āwhina ki te whakakaiti ake i te tukitukitanga ki tō kāinga me tō pakihi, kia ora anō hoki koe.
- Whakawhanakehia he Mahere Whawhati Tata mō te Whare, whakaritea hoki he Kete Whakaora Whawhati Tata, e ora ai koe ko tō kotahi mō ngā rā e toru neke atu rānei
- Tirohia mēnā kei te noho mōrea tō kāinga, pakihi rānei i te waipuke. Mēnā ka noho mōrea tonu, kei tō kaunihera ētahi pārongo hei whakaiti i tōna pānga mai. Kei roto pea i ēnei pārongo ko:
- Ngā kaupapa whakatahi
- Me pēhea ō taonga i tō whare, i tō pakihi rānei e haumaru mā te hiki ake mai i te papa
- Me pēhea te whakaiti i te mōrea o te waipuke ki tō kāinga, tō pakihi rānei
- Me mōhio kei whea ngā whenua teitei e tūtata mai, me pēhea hoki te tae ki reira
- Kia rite tō rīanga mō āianei tonu
Ki te puta te mōrearea o te waipuke
- Whakarongo ki tō reo irirangi o te kāinga mō ngā pārongo, ka whai hoki i ngā tohutohu a Te Rākau Whakamaru
- Ka whiwhi whakatūpato koe i tō kaunihera ā-rohe, i te Rōpū Rākau Whakamaru rānei. Kōrero ki a rātou kia mōhio ai koe ka pēhea tā rātou whakatūpato i a koe
I te wā o te waipuke
- Whakatahi atu i te takiwā waipuke, haere rānei ki te whenua teitei e tūtata mai ana
- Hikina ake ngā taonga ā-whare kia ikeike rawa i runga i te papa
- Kaua rawa e whakamātau ki te taraiwa, te hīkoi rānei i roto i ngā waipuke, engari me tino whai hiahia rā anō
- Kaua e haere ki te tirotiro haere ki te kite i ngā tukitukitanga a te waipuke
I muri i te waipuke
- Mēnā i pā ki a koe, whakaritea kia tirotirohia tō whare kia tātaritia te tukitukitanga
Pēhia a konei mō ngā kōrero huarere e pā ana ki tō rohe me ngā pānui huarere motuhake hoki