Horowhenua

Ko te horowhenua, koinei te nuku whakararo i tētahi puke o te toka, o te oneone. Arā te whānuitanga o te horowhenua, mai i te toka kaitā kotahi e taka ana, tae atu ki te horowhenua tino rahi, arā ko ngā toka nunui me te oneone e horo ana mō ētahi manomita.
Nā te ua tātā, te waipuke, te rūwhenua rānei e pā mai pea he horowhenua. Ka pā mai hoki i ngā mahi a te tangata , pēnei i te poroporo i ngā rakau me te otaota, te tapahi huarahi tūpoupou, ngā paipa wai hoki e turuturu ana.

I mua i tētahi horowhenua

Mā te takatū i mua i te horowhenua e āwhina kia iti ake te tukitukitanga i tō kāinga me tō pakihi, kia ora anō hoki koe.

• Pātai atu ki tō kaunihera mō ngā horowhenua ō mua kua pā ki tō takiwā, ki whea anō pea ka pā mai anō
• Tirotirohia mēnā kei te puta mai ētahi tohu kei te nuku te whenua. Ko ētahi tohu ko:
  • Ngā kuaha me ngā anga wini e piri ana
  • Ngā āputa kei ngā wāhi kāore i te noho tika ngā anga
  • Ngā rahoraho me ngā parani kei te nuku, kei te tītaha atu rānei mai i te nuinga o te whare
  • He matiti hou, he kūtere rānei i te whenua, te huarahi, te ara hīkoi rānei
  • He rākau tītaha, he pakitara pupuri whenua, he taiapa tītaha rānei
  • He puna wai, he wai papī, he whenua mākū rānei kei ngā wāhi kāore i mākū i mua

Mēnā ki ōu whakaaro ka pā mai he horowhenua ki tō rohe

Me mōhio koe me pēhea te urupare i taua wā tonu

• Me whakatahi koe me kawe atu i tō Kete Rere
• Whakapā atu ki te tari wā kāinga o Te Rākau Whakamaru
• Whakatūpatotia ngā hoa noho tata tērā e pāngia e te horowhenua

I muri i te horowhenua

• Kaua e hoki ki tētahi wāhi kua pāngia e te horowhenua kia mutu rā anō te āta tirotirotanga
• Tangohia ētahi whakaahua, tuhia he pūrongo hoki mō te take rīanga, ina haumaru ana