Te atawhai tūroro, tāngata whakaraerae rānei

Ki te whai hauātanga koe, tētahi o tō whānau, o tō hapori rānei, whakatūria ināianei tonu me tētahi mema o te whānau, tētahi hoa, hoa noho tata rānei, ētahi whakaritenga hei āwhina i tētahi whawhati tata.

Hauātanga whakarongo

Tērā pea e kore te hunga whai hauātanga whakarongo e rongo i ngā pūnaha whakatūpato, i ngā pāpāho reo irirangi rānei. Whakaritea he tangata hei āta whakamōhio atu ki te tangata turi ina heipū he whawhati tata.

Hauātanga titiro

Tērā e pā ki te hunga whai hauātanga titiro he uauatanga ki te whakatahinga rātou, te haere rānei ki tētahi wāhi Ārai Mate Whawhati Tata tauhou. Whakaritea he ‘tikanga hoa kaitiaki’ e whai hoa ai rātou hei āwhina kia taea e rātou ngā mea katoa.

Te Huangō me ngā mate roma hā

Tērā e mate tētahi i te mate huangō, tētahi mate roma hā rānei i te ngārehu puia, te puehu, te taumahatanga rānei o te whawhati tata. Mēnā e tiaki ana koe i tētahi e mate pēnei ana, āta titirohia kei te nui ngā rongoā me ngā ārai puehu kei tō Kete Whakaora Aituā me tō Kete Rere.

Nga hiahiatanga kai motuhake

Mēnā e tiaki ana koe i tētahi he hiahiatanga kai motuhake ōna, āta titirohia kei tō Kete Whakaora Aituā ētahi kai mā rātou.

Hauātanga Nekeneke

Me whakauru ki tō Kete Whakaora Aituā ētahi āwhina nekeneke mēnā he uaua ki a koe,ki te tangata rānei e tiakina ana e koe, te nekeneke haere. Hei āwhina tēnei mō taua tangata mēnā ka whakatahinga ia ki tētahi wāhi kē.