Mafu‘ie

‘O le faigatā ‘e te lua feagai i se mafui‘e e pogai mai otaota pā‘u‘ū ma fale ‘ua pālalasi fa‘apea ‘auala laupapa. E mana’omia lou iloa o nei puapuagā e fesoasoani mo lou fa’asaoina.

Pē tusa ma le faitau afe mafui‘e i tausaga ta‘itasi i totonu o Niu Sila, ‘a‘o le tele lava e lē lagona ona e lāiti, pē maualalo i totonu o le ‘ele‘ele. E ono lūlū se mafui‘e lāpo‘a ma fa‘atāma‘ia i so‘o se taimi. ‘O le ‘auala lelei e sāuniuni ai ‘o le sāuni nei loa. Taumulimuli i sitepu faigōfie nei:

‘Ae le‘i lūlū se mafui‘e

‘O le sāuniuni muamua ‘ae le‘i lūlū se mafui‘e ‘ole‘ā fesoasoani e fa‘aitiitia le fa‘aleagaina o lou fale ma le pisinisi ma fesoasoani i lou fa‘aolaina.

• ‘Ia fa‘ata‘atia se Fuafuaga a ‘Āiga mo Fa‘alavelave Fa‘afuase‘i ma sāuniuni se Pusa Sāuniuni mo le Tausiga o le Ola i Fa‘alavelave Fa‘afuase‘i ‘ina ‘ia mafai ai ona ‘e nofo na‘o ‘oe mo se tolu aso pē sili atu fo‘i.
• ‘Ia maitau vāega saogalēmū i totonu o lou fale, ā‘oga po‘o le falefaigāluega. ‘O le nofoaga saogalēmū o:
  • lalo o se laulau mālosi, ‘ia manatua le pipi‘i mau o vae o le laulau
  • latalata i se puipui i totonu
  • se mea e latalata ‘iā te ‘oe, e lē sili atu i la‘a e lua, pē lua mita le mamao, e puipuia ai ni manu‘a mai otaota felelei solo
• Siaki lau ‘inisiua mo le fale mo mea e aofia ai fa’apea le aofa‘i
• Sa‘ili se fautuaga tatau ‘ina ‘ia mautinoa ‘olo‘o mausalī lou fale i lona fa‘avae. Ma le isi siaki pē sa usita‘ia mea sa fa‘alelei ma Tulāfono tau Fale a Niu Sila (NZ Building Code)
• Fa‘amau mea mamafa pei o meafale i le fola o le fale po‘o le puipui. Kiliki i ‘ī mo le puipuia o lou fale mai mafui‘e

I le taimi ‘o lūlū le mafui‘e

• ‘Āfai ‘o ‘e iai i totonu o se fale, ‘ia ‘e la‘a pē tasi pē lua ona ‘e fa‘apā‘u lea ma puipui ma ‘u‘umau se mea.

• ‘Āfai o ‘e i totonu o se fale, alu i se nofoaga saogalēmū
• ‘Āfai o ‘e i fafo, sōsō ‘aua ne‘i sili atu i nai la‘a e lua, fa‘apa‘ū, pupuni ma pipi‘i
• ‘Āfai ‘o alu lau ta‘avale, alu i tua ma tū
• ‘Āfai o ‘e i le matāfaga pē latalata i le talafatai, fa‘apa‘ū, pupuni ma tāofi ma pipi‘i ona ‘e sōsō vave lea i se ‘ogā‘ele‘ele maualuga ina ne‘i te‘i ‘ua mulimuli se galulolo i tua o le mafui‘e

Ina ‘ua ‘uma le mafui‘e

• E tatau ona ‘e fa‘atalitali mo nisi mafui‘e lāiti
• Fesoasoani mo ē ‘o latalata ane pe‘ā ‘e mafaia
• ‘Āfai o ‘e i totonu o se fale ‘ua fa‘aleagaina, taumafai e alu i fafo ma su‘e se ‘ogāmea saogalēmū ma ta‘alaelae
• ‘Aua ne‘i ‘e alu e matamata pē va‘ava‘ai i mea ‘ua fa‘aleagaina e le mafui‘e
• ‘Āfai ‘ua ‘e sosogi le manogi o le kesi, taumafaie tapē le ki fa‘apitoa o le kesi i fafo o le fale pe‘āfai ‘ua saogalēmū ona fai
• ‘Āfai o ‘e va‘aia se ‘emo, uaea ‘ua motusi po‘o ni fa‘aaliga ‘ua fa‘aleagaina vāega o le ‘eletise, tapē le ‘eletise mai le pusa fa‘apitoa pe‘āfai ‘ua saogalēmū ona fai
• ‘Āfai ‘ua fa‘aleagaina lou fanua, fai ni tusitusiga ma pu‘e ni ata ‘auā mea tau ‘inisiua
• Fa‘alogo i le leitiō mo fa‘amatalaga ma fautuaga