Afā

‘O matagi mālolosi e māfua mai āfā fulifaō, āsiosio po‘o vāega ‘ua maualalo ai le mālosi o le ‘ea a‘afia i le fua maualalo. E tu‘uina mai e le Vā‘aitau se lapata‘iga mo matagi e sili atu ma le 87km/itūlā i luga a‘e o le laufanua. Taumulimuli i sitepu nei e fo‘ia ai faigatā o matagi mālolosi:

‘Ae le‘i agi le āfā

‘O le sāuniuni muamua ‘ae le‘i sau le āfā fulifaō ‘ole‘ā fesoasoani e fa‘aitiitia le fa‘aleagaina o lou fale ma le pisinisi ma fesoasani i lou fa‘aolaina.

• ‘Ia fa‘ata‘atia se Fuafuaga a le ‘Āiga mo Fa‘alavelave Fa‘afuase‘i ma sāuniuni se Pusa Sāuniuni mo le Tausiga o le Ola i Fa‘alavelave Fa‘afuase‘i ‘ina ‘ia mafai ai ona fa‘asaoina ‘oe mo se tolu aso pē sili atu fo‘i
• Siaki le taualuga o lou fale ma ālāvai po‘o mausalī i tausaga ta‘ilua ‘uma
• ‘Ia iai ni mea faigāluega e fa‘aleleia ai fa‘amalama, e pei o tapoleni, laupapa ma mea fa‘apipi‘i
• ‘Āfai o toe fa‘afou pē fausia se fale, ‘ia manatua ‘o le ō fa‘atasi o gāluega ma tulāfono tau fale a Niu Sila ‘olo‘o iai vāega fa‘apitoa e fa‘aitiitia ai mea e fa‘aleagaina i āfā

I taimi e ‘aumai alo‘aia ai se lapata‘iga

• Ao ‘ese ni otaota mai tafatafa o lou fale e ono felelei
• ‘Aumai i totonu ‘apa lāpisi
• ‘Aumai i totonu meaola pei o pusi ma ta‘ifau. ‘Ave lafu manu i se fale malupuipuia
• Fa‘alogologo i le leitiō o la ‘outou pitonu‘u mo ni fa‘amatalaga

‘A‘o agi le āfā

• Toso ‘uma ‘ie o fa‘amalama ma pupuni e fa‘aitiiti ai le feoa‘i o tioata ma felelei o nisi mea
• ‘Ia tū mamao mai faitoto‘a ma fa‘amalamalama. ‘Āfai ‘ua fa‘atetele le matagi, sōsō tele i totonu o le fale
• ‘Aua le savali i fafo. ‘Aua ne‘i ‘aveina le ta‘avale vaganā ‘ua matua‘i mana‘omia tele

Ina ‘ua māe‘a le āfā

• Fa‘afeso‘ota‘i lau pūlega fa‘apitonu‘u ma kamupanī ‘inisiua pe‘āfai ‘ua matuā fa‘aleagaina lou fale ma le pisinisi
• Sa‘ili se fautuaga a lau pūlega pē fa‘apēfea ona fa‘amamā ma le saogalēmū le otaota