Lolovai

‘O lologa ‘o se puapuagā e tupu so‘o i totonu o Niu Sila. E o‘o ina mata‘utia lologa pē o‘o i itū nei:

‘O le sāuniuni muamua ‘ae le‘i o‘o mai se lologa e fa‘aitiitia ai mea fa‘aleagaina o lou fale ma pisinisi ma fesoasoani i le fa‘asaoina mai ai o ‘oe.

‘Ia fa‘ata‘atia se Fuafuaga a le ‘Āiga mo Taimi o Fa‘alavelave Fa‘afuase‘i ma sāuniuni se Pusa Sāuniuni mo le Tausiga o le Ola i Fa‘alavelave Fa‘afuase‘i ‘ina ‘ia mafai ai ona ‘e nofo na‘o ‘oe mo se tolu aso pē sili atu fo‘i
Sa‘ili pē āfāina lou fale po‘o le pisinisi mai se lologa. ‘Āfai e iai se āfāina, e mafai ona maua mai ni fa‘amatalaga i lau pūlega fa‘apitonu‘u e fesoasoani ‘iā te ‘oe i le fa‘aitiitia o mea e ono āfāina. ‘O nei fa‘amatalaga e ono aofia ai:
- Fuafuaga mo le tāpena ‘ese
- E fa‘apēfea ona puipuia mea ‘olo‘o i totonu o lou fale ma le pisinisi pe‘ā ‘ave‘esea mai le fola o le fale ‘ae tu‘u i se mea maualuga
- E fa‘apēfea ona ‘e fa‘aitiitia le āfāina o lou fale po‘o le pisinisi mai nisi lologa i le lumana‘i
‘Ia ‘e iloa po‘o fea le itū maualuga o le fogā‘ele‘ele ‘ae pē fa‘apēfea ona ‘e alu i ai
Ia tausi fa‘afou pea lau ‘inisiua

Pe‘ā lamatia i se lologa

Fa‘alogo i le leitiō a la ‘outou pitonu‘u mo ni fa‘amatalaga ma taumulimuli i fautuaga ma fa‘atonuga mai le Pūlega o Mea Tau Fa‘alavelave Fa‘afuase‘i a le Puipuiga Fa‘alotoifale
‘Ole‘ā ‘e maua se lapataiga mai lau pūlega fa‘apitonu‘u po‘o le Vāega o le Pūlega o Mea Tau Fa‘alavelave Fa‘afuase‘i a le Puipuiga Fa‘alotoifale. Talanoa i ai ma sa‘ili pē fa‘apēfea ona lapata‘i mai ‘oe

Alu ‘ese ma vāega ‘ua lolovaia pē alu i se fogā‘ele‘ele maualuga o lata ane
Tasi‘i i se vāega maualuga ‘ia meaafale mai le fola o le fale
‘Aua ne‘i ‘e taumafai e alu i le ta‘avale pē savali aga‘i i lologa se‘ia vaganā ‘ua matua‘i tatau ai
‘Ia ‘aua ne‘i ‘e alu e matamata ma va‘ava‘ai i mea ‘ua fa‘aleagaina e lologa

‘Āfai ‘ua iai sou āfāina, ‘aumai se ‘ausu‘esu‘e e su‘esu‘eina lou fale ma sa‘ili‘ili mea ‘ua fa‘aleagaina

‘O lisi nei e ta‘u atu ai ia te ‘oe mea e ao ona fai mo lou nofo sauni