Solo le ‘ele‘ele

‘O le solo ‘ele‘ele,e a‘afia ai le ta‘avavale mai o ma‘a ma palapala mai luga o se malifa aga‘i ifo i lalo. ‘O le solo ‘ele‘ele e ono ‘ese‘ese le lāpopo‘a, e ‘āmata mai le pa‘ū ifo o se ma‘a lāpo‘a se tasi, i se solo tele o otaota fa‘atasi ma se anoano o ma‘a ma palapala ‘ua ufitia ‘ātoa ai le tele o kilomita o le lau‘ele‘ele.
‘O Timuga mamafa ma lologa po‘o le lūlū o māfui‘e, ‘o se māfua‘aga lenā e solo ai le ‘e‘e‘ele. ‘O gaoioiga a tagata ola, e pei ‘o le ‘ave‘eseina o lā‘au ma togālā‘au, tatipi o ‘autafa o le ‘auala po‘o paipa vai ‘ua mamā e ono fa‘apogai ai le solo o le ‘ele‘ele.

‘Ae le‘i solo le ‘ele‘ele

‘O le sāuniuni muamua ‘ae le‘i solo le ‘ele‘ele ‘ole‘ā fesoasoani e fa‘aitiitia le fa‘aleagaina o lou fale ma le pisinisi ma fesoasoani i lou fa‘aolaina.

• Sa‘ili mai i lau pūlega fa‘apitonu‘u pē sa iai se taimi i totonu o lou vai‘a‘ai na solo ai le ‘ele‘ele pē fa‘amata e toe tupu
• Siaki le ‘ele‘ele mo ni fa‘ailo e iloa ai pē o gāoioi mai lea taimi i lea taimi. ‘O nei fa‘ailo e aofia ai:
  • Faitoto‘a ma fa‘amalama ‘ua mau ‘ua faigatā ona talai
  • Fa‘ava‘a o faitoto‘a ma fa‘amalama ‘ua ma‘avā
  • ‘O fa‘apaologa ‘ua se‘e ‘ese pē sipa i le isi itū mai le vāega tele o le fale
  • Ni ta‘e fou po‘o ni lua i le palapala ma le fogā ‘ele‘ele, ‘aualatele ma ‘auala savali
  • Lā‘au ‘ua falala i se itū se tasi, pā e tāofi ai le solo o le palapala po‘o pā fo‘i ‘ua sisipa
  • Vai puna, mama po‘o le maua o le suāvai i vāega e seāseā susū

Pe‘āfai ‘e te lagona ‘ole‘ā solo le ‘ele‘ele

E tatau ona ‘e iloa le mea e fai vave pe‘ā solo le ‘ele‘ele

• Tapena ‘ese ma ‘ave lau ‘Ato sāuniuni mo le Sola‘ese
• Fa‘afeso‘ota‘i le ‘Ōfisa o le Pūlega o Mea Tau Fa‘alavelave Fa‘afuase‘i a le Puipuiga Fa‘alotoifale
• ‘Ia lapata‘i tuā‘oi e ono a‘afia

Ina ‘ua māe‘a ona solo le ‘ele‘ele

• ‘Aua ne‘i e toe fo‘i i le vāega sa āfāina ina ‘ua solo le ‘ele‘ele vaganā ‘ua māe‘a ona asiasia fa‘alelei
• Pu‘e ni ata ma fai ni tusitusiga ‘auā ‘inisiua pe ‘āfai ‘ua saogalēmū ona fai