Palani ‘a e Fāmili΄ ki ha Me‘a ‘e Hoko Fakatu‘upakē

‘Oku lahi ‘a e ngaahi fakatamaki ‘e lava ke ne maumau‘i ‘a e ngaahi hala pule‘anga΄ ‘o motuhia ai ‘a ho‘o fefononga‘aki΄. Fakatahataha‘i ho fāmili΄ pea mou felotoi ki ha palani. ‘I ho‘omou palani΄, ‘e fiema‘u ke mou fakakaukau‘i ‘eni:

• Feitu‘u ke mou toitoi pe unga ai ‘i ha hoko ‘a ha mofuike, tāfea pe matangi mālohi
• Founga mo e feitu‘u ke mou fakataha ki ai ‘i he lolotonga hoko mo e ‘osi ‘a ha fakatamaki
• Feitu‘u lelei taha ke tuku ai ‘a e ngaahi Naunau Fiema‘u Fakavavevave ki he Mo‘ui΄. Fakapapau‘i ‘oku ‘ilo ‘e he tokotaha kotoa pē ‘a e feitu‘u ‘oku tuku ai ‘a e ngaahi me‘a΄ ni, pea mo hai ‘oku΄ ne fatongia‘aki ‘a hono toutou vakai‘i ‘a e ngaahi tefito‘i me‘a ‘oku fiema‘u΄.
• ‘Oku ‘i fē ‘a e Naunau Hola Fakavavevave ‘a e tokotaha kotoa pē koe‘uhī ke nau ō mo ia
• Founga ‘o hono tamate‘i ‘o e vai΄, kasa΄ mo e ‘uhila΄ ‘i ‘api pe ‘i he ‘api ngāue΄
• Founga ‘o e fetu‘utaki atu ki he ‘ōfisi ‘o e malu‘i fakasivile΄ ‘i homou feitu‘u΄ ki ha tokoni ‘i he lolotonga ‘o ha fakatamaki

Ma‘u atu ha tatau ‘o ha lau‘itohi ngāue ki he Palani ‘a e Fāmili΄ mei heni