Kia Takatū

I Aotearoa, ka tūpono noa mai te mōrearea o te taiao, o ngā mea rānei i hangaia e te ringa tangata. Mā ēnei pārongo e mōhio ai koe ki te tiaki i a koe anō, tō whānau, tō kāinga, tō pakihi me tō hapori.

Me takatū anō koe ki te noho ko tō kotahi mō te toru rā, neke atu rānei.

Ka pā te aituā ki te katoa, tae atu ki te hunga kaiwhakaora e whakawhirinaki nei tātou. I muri tonu i te aituā, ka urupare ngā ratonga whawhati tata me ngā kaimahi ārai mate ki ngā hiahia tino nui. Nā tēnei e kore pea rātou e tae wawe atu ki te katoa e hiahia āwhina ana.
Tērā pea he maha ngā rā ka hipa i mua i te whakatikatanga o ngā ratonga. Otirā, akene pea ka whakawhāitihia te whai wāhitanga atu ki ēnei.
Ka roa ake anō te whakatikatanga o te angaroto i wāwāhihia, pēnei i ngā huarahi, ngā piriti, me ngā ara tereina.
I konei ka noho tino whakaraerae koe. Me takatū koe ināianei ki te tiaki i a koe anō, i tō whānau me tō hapori.

I mua i tētahi Aituā

Me whai koe i:


Anei anō ētahi tikanga mahi mā te whānau hei whakaiti i te pānga o tētahi aituā, e hohoro ake anō te whakaoranga.

  • Pātaitia tō kaunihera ā-rohe me te Rōpū Whakahaere o Te Rākau Whakamarumaru mō te pūnaha whakatūpato i tō hapori, a me mātua mōhio koe me aha koe ina rongo koe i tēnei tangi whakatūpato
  • Ākona te Whakaora Whawhati Tata me ngā Tikanga Kāpura Haumaru. Pēhia a konei mō www.fire.org.nz
  • Me tirotiro kei te haumaru tō kāinga mō te rū whenua. Pēhia a konei mō www.eqc.govt.nz
  • Me titiro kei te nui, kei te tika hoki tō rīanga whare
  • Me āta whakaaro koe ki te noho hei kaitūao i tō hapori
  • Ākona me pēhea tō āwhina i ētahi atu. Kia mōhio anō ki ō hoa noho tata, ki tō hapori, kia kite ko wai pea ngā mea ka pīrangi āwhina
  • Ina hoko mai ana tētahi whare hou, me tino whai mōhio koe ki ngā mea mōrearea tērā e pā ki taua takiwā. Haere ki tō kaunihera ka tono i tētahi LIM (Land Information Memorandum) PIM rānei (Property Information Memorandum)
  • Me mōhio rawa ki te Mahere Whawhati Tata o tō wāhi mahi. Āta whakaritea tētahi mahere kia haere tonu tō pakihi mēnā he pakihi tōu

I tētahi Aituā

Mā te mōhio ki ngā mea hei mahi māu i tētahi aituā e āwhina kia noho haumaru koutou ko tō whānau.
Mō ngā pārongo āmiki mō ngā mea hei mahi māu i tētahi aituā pēra i te waipuke, te āwhā, te rūwhenua rānei, pēhia te pātene kikorangi ki mauī.