‘Ia sāuniuni

I Niu Sila, ‘o lu‘itau e āfua mai i le nātura po‘o tagata fo‘i, ‘o mea e tutupu pea i lenei ōlaga. ‘Ole‘ā fesoasoani lenei fa‘amatalaga i le puipuiga o ‘oe, lou ‘āiga, lou fale, pisinisi ma isi tagata lautele.

‘Ia ‘e sāuni ‘e te feagai na‘o ‘oe ma lu‘itai e o‘o atu i aso e tolu pē sili fo‘i.

E āfāina tagata ‘uma i se mala tele, e aofia ai ma i latou e gālulue fa‘aola. I taimi tonu lava fa‘ato‘ā te‘a atu se mala, ‘o le taimi lea e faia ai loa tiute o i latou e gālulue fa‘aola ma e latou te fa‘amuamua lava tagata e pito leaga mānu‘aga. E ono tuai ai ona latou o‘o atu e fesoasoani ia i latou ‘uma e mana‘omia vave se fesoasoani.
E ono tele aso o fa‘atali mo le toe maua o tautua māsani, ‘ae tusa fo‘i pē maua, ‘ae ono faigatā ona maua.
‘O fausaga aogā e pei o ‘auala, alalaupapa ma ala nofoaafi, e ono ‘umi lava ‘o fa‘atali ona toe fa‘aleleia.
‘O taimi tonu nei e ono āfāina ai ‘oe ma lou ‘āiga. Sāuni nei loa e puipui ‘oe ma lou ‘āiga ma ou tuā‘oi.

‘Ae le‘i tupu se Mala fa‘alenātura

E tatau ona iai au mea nei:


‘O nisi nei o fa‘aopoopoga e mafai ona faia e lou ‘āiga e fa‘aitiititi ai le feagai ma puapuagā ma toe vave ona mālosi.

  • Siaki lau pūlega fa‘alotoifale ma le Pūlega o Mea Tau Fa‘alavelave Fa‘afuase‘i po‘o iai ni mea fa‘ailo i lo ‘outou pitonu‘u ma ‘ia ‘e mautinoa le gāoioiga e fai pe‘ā ‘e fa‘alogoina le fa‘ailo
  • ‘Ia a‘oa‘o le Togafitiga Muamua fa‘apea Metotia mo le Saogalēmū mai se Mū. ‘O‘omi ‘ī mo le ‘upega o feso‘ota‘iga www.fire.org.nz
  • ‘Ia mautinoa le malu puipuia o lou fale mai māfui‘e. Kiliki i le ‘upega o feso‘ota‘iga www.eqc.govt.nz
  • ‘Ia mautinoa o lava lau ‘inisiua ma fou e o‘o mai i le taimi nei
  • ‘Ia ‘e māfaufau e ofoina fua lou taimi i totonu ‘o lo ‘outou pitonu‘u
  • Sa‘ili pē fa‘apēfea ona ‘e fesoasoani i nisi tagata. Fa‘amāsani ma ‘ia iloa ou tuā‘oi ma isi tagata o lo tou pitonu‘u ma va‘ai po‘o ai e ono mana‘omia se fesoasoani.
  • Pe‘ā fa‘atau sou fale fou, ia ‘e mautinoa po‘o ā mea tūgā e ono lamatia ai lenā vai a‘ai. Alu i la ‘outou pūlega fa‘alotoifale ma talosaga se LIM (Fa‘amatalaga tau Fanua po‘o le PIM, Faamatalaga tau i le Fale ma le Fanua. (Property Information Memorandum)
  • ‘Ia e iloa po‘o a Fuafuaga mo Fa‘alavalave Fa‘afuase‘i a lou Falefaigaluega (Workplace Emergency Plan). Fa‘apea fo‘i le iai o se fuafuaga fa‘aauau a lau pisinisi pe ‘āfai o ‘e pulea sau lava pisinisi

‘A‘o fa‘agāsolo se Mala fa‘alenātura

‘O le iloa o le mea e tatau ona fai i le taimi o se mala fa‘alenātura e fesoasoani mo le saogalēmū o ‘oe ma lou ‘āiga.
Mo ni fautuaga au‘ili‘ili i mea e tatau ona fai i le taimi o se mala e pei ‘o se lolovai, afā po‘o se mafui‘e, kiliki le fa‘amau lanumoana i le itū tauagavale.