‘Afai e tupu nei se fa‘alavelave fa‘afuase‘i, fa‘amata ‘ua ‘e sauni?

Talu ai lona tūlaga ma lona si‘osi‘omaga, e tele mala ma fa‘afītūli e ono fa‘afeagai ma Niu Sila. E iai taimi e mafai ai ona logoina tagata pe‘ā mātauina ni fa‘alavelave fa‘afuase‘i e pei o le tau po‘o se mauga mū, pe‘āfai ‘ole‘ā tūla‘i mai.

‘Ae ‘o se mafui‘e ma se galu lolo e latalata i le fogā‘ele‘ele e ono tutupu mai e aunoa ma se lapata‘iga. ‘O fa‘alavelave fa‘afuase‘i ‘uma lava e ono vēsia ai le soifuaga, fa‘aleagaina o meatōtino fa‘apea ma ola o tagata. ‘O le ala lenā e tatau ai ona ‘e nofo sāuni.

‘Ole‘ā fa‘asino atu e lenei nofoaga o feso‘ota‘iga le ‘auala ‘e te nofo sāuni ai, ‘ina ‘ia ‘e sao ai.